Newyddion
Mae Jonathan Edwards AS Plaid Cymru heddiw wedi herio llywodraeth y DG i newid y modd yr etholir aelodau i Gynulliad Cenedlaethol Cymru.
Gorsafoedd ar agor tan 10pm heno! Etholiad Cymru heddiw yw eich cyfle i helpu newid ein cenedl er gwell. Yn yr amseroedd heriol hyn, mae ar Gymru angen plaid gref ac uchelgeisiol mewn llywodraeth, nid mwy o’r un fath gan y lleill.
Plaid Cymru yn unig sydd â chynllun i greu miloedd o swyddi ac adeiladu economi ein cenedl Bydd Plaid Cymru yn treulio dydd Mawrth olaf yr ymgyrch yn amlygu eu cynllun uchelgeisiol Adeiladu i Gymru i greu 50,000 o swyddi newydd ledled y genedl trwy fuddsoddi mewn rhaglenni i adeiladu ysgolion, ysbytai a seilwaith hanfodol.
Yn wythnos olaf ymgyrch Etholiad Cyffredinol Cymru, mae arweinydd Plaid Cymru Ieuan Wyn Jones wedi sôn am ei benderfyniad i drawsnewid Cymru er lles y cenedlaethau i ddod. Neges Mr Jones oedd bod yn rhaid i hen wlad fy nhadau hefyd ddod yn wlad newydd ein plant - lle mae gobeithion ein pobl ifanc am y dyfodol yn ganolbwynt llywodraeth nesaf Cymru.
Gydag wythnos yn unig i fynd tan ddiwrnod y bleidlais, mae arweinydd Plaid Cymru Ieuan Wyn Jones wedi dweud fod etholiad cenedlaethol Cymru ddydd Iau nesaf yn rhoi cyfle i Gymru drawsnewid gobeithion cenhedlaeth o bobl ifanc sydd ar hyn o bryd yn cael eu siomi gan y system addysg.
Mae Plaid Cymru heddiw wedi ymweld â Distyllfa Chwisgi Penderyn, un o straeon llwyddiant Cymru ar y llwyfan rhyngwladol, i amlygu cynlluniau’r Blaid i gefnogi twf a datblygiad economaidd busnesau Cymreig. Mae’r blaid wedi amlinellu rhai o’i chynigion allweddol i helpu i amddiffyn swyddi sy’n bod eisoes a chreu rhai newydd trwy ganolbwyntio ar anghenion busnesau bychain a chanolig.
Mae Plaid Cymru yn uchelgeisiol dros fusnesau bach Cymru ac eisiau gweld amgylchedd economaidd sy’n caniatáu iddynt dyfu a ffynnu. Dyna oedd neges ymgeisydd y Blaid yng Ngorllewin Caerfyrddin a De Penfro, Nerys Evans, a hithau’n ymweld â ‘fferm siocled’ yn Sir Gaerfyrddin dros y Pasg.
Gan brofi ei bod yn parhau i arloesi gyda thechnegau ymgyrchu newydd, bydd Plaid Cymru yr wythnos hon yn cyflwyno ymgyrch hysbysebu mewn sinemâu ledled Cymru cyn etholiad cyffredinol Cymru ar Fai 5.
Fel rhan o weithgareddau i nodi Wythnos Genedlaethol Iechyd y Llygaid, ymwelodd ymgeisydd Plaid Cymru yn Arfon Alun Ffred Jones heddiw (Mawrth) â phractis otometregol lleol ym Mangor.
Arweinydd y Blaid yn amlygu polisi ‘Cysylltu Cymru’ ar ail ddiwrnod ei daith Mae arweinydd Plaid Cymru, Ieuan Wyn Jones, yn defnyddio ail ddiwrnod (Mawrth 19 Ebrill) ei daith o gwmpas Cymru i ganolbwyntio ar ymrwymiad y blaid i Gysylltu Cymru. Wrth iddo deithio o Gaerdydd i Geredigion, bydd Ieuan Wyn Jones yn tynnu sylw at y modd y bydd Plaid Cymru yn gwella signal ffonau symudol, wifi a derbyniad band eang ar draws Cymru gyfan.
Mae arweinydd Plaid Cymru yn San Steffan Elfyn Llwyd AS heddiw wedi siarad i gefnogi galw'r Senedd yn ôl oherwydd natur gyfnewidiol ymwneud y DG â Libya.
Mae Plaid Cymru wedi condemnio’r blaid Lafur am wrthod ymrwymo i gadw Ysbytai Dosbarth Cyffredinol fel Llandudno yn eu maniffesto am 2011. Mae’r bwlch amlwg hwn yn nogfen Llafur yn dilyn eu cynlluniau cyn etholiad 2007 i gau ac israddio ysbytai ledled Cymru - gan gynnwys ysbyty Llandudno. Gwrthwynebwyd y cynllun yn ffyrnig gan Blaid Cymru a’i hataliodd mewn llywodraeth.
Mae Plaid Cymru wedi cyhuddo'r Ceidwadwyr yng Nghymru o gamarwain y gymuned fusnes am eu haddewid ar drethi busnes. Mae'r Toriaid yn hawlio y byddant yn dileu trethi busnes yn gyfan gwbl, ac eto mae eu cyllideb fel gwrthblaid yn dangos y byddai gostyngiadau sylweddol ym mhob adran, gan gynnhwys cyllideb yrb economi, petaent yn cael eu ffordd.
Arweinydd Plaid Cymru yn amlinellu addewid y Blaid i gysylltu Cymru Mae arweinydd Plaid Cymru, Ieuan Wyn Jones, heddiw wedi amlinellu addewid ei blaid i gysylltu Cymru gyda sustem drafnidiaeth fodern ar ymweliad â Chwm Cynon.
Mae Plaid Cymru wedi ymateb i lansio maniffesto'r Ceidwadwyr.
Mae llefarydd Plaid Cymru ar iechyd wedi cyhuddo Llafur o wadu’r problemau sy’n wynebu Gwasanaeth Ambiwlans Cymru wedi i’w maniffesto honni fod y gwasanaeth yn ‘gyson yn cyrraedd targedau.’ Dywedodd Helen Mary Jones, sy’n sefyll i’w hail-ethol yn etholaeth Llanelli, ei bod yn anodd gweld sut y bydd Llafur am ddechrau gwella safonau yn GIG Cymru os ydynt yn gwrthod cydnabod y problemau.
Wrth siarad yn Aberystwyth heddiw i gefnogi Elin Jones, ymgeisydd Plaid Cymru yng Ngheredigion, mae Llywydd Anrhydeddus y Blaid, Dafydd Wigley wedi lladd ar y Democratiaid Rhyddfrydol yn San Steffan am "frad hollol warthus ar fater S4C".
Anogwyd Llafur i ddileu eu polisi o fygwth cau ysgolion sy'n tanberfformio, ac yn hytrach fynd i'r afael â'r problemau sydd wrth wraidd system addysg Cymru. Mewn araith ym mis Chwefror, dywedodd llefarydd Llafur ar addysg, Leighton Andrews , 'lle bo ysgol yn methu, a minnau'n tybied nad oes modd adfer y sefyllfa, fe wnaf ei chau.' Mae Plaid Cymru, sydd wedi ymrwymo i wneud addysg yn flaenoriaeth am y ddegawd nesaf yn llywodraeth Cymru, wedi gwrthod yr agwedd hon gan ddweud nad ydynt yn credu y dylid ystyried unrhyw blentyn nac ysgol fod y tu hwnt i help.
Mae Plaid Cymru wedi galw ar brif lefarydd Llafur ar yr economi dros Gymru gyfateb i’w huchelgais hwy. Galwodd Plaid Cymru ar Ed Balls i wneud yn glir yn union beth yw safbwynt ei blaid ar gyllid teg i Gymru, yn benodol ar ddiwygio fformiwla Barnett yn gyfan gwbl.
Mae Plaid Cymru wedi ymateb i lawnsio maniffesto Llafur.